望著FB上折翼嘅朋友們，我真係好想緊緊咁攬實你哋每一個送上鼓勵🙏🏼我曾經都試過突然”被失業”，當時徬徨萬分，所以我係十分明白。
今年我哋成日講人生無常，首先我哋要理解無常。
#什麼是無常
無常呢兩個字我都係今年先至真正認識。講到無常，成日俾人感覺好似好消極。其實無常嘅意思係，世上並無任何永恆不變嘅人同事物，所有現象都係短暫。即係話，當一件事發展到極點就一定會走向反方向，並無特定消極/積極嘅意思。
人生其中一個痛苦嘅根源係執着。面對瞬間壞消息，以及生命嘅種種變動，如失業、肺炎、分手、痛失摯愛等，往往令人手足無措。當事情無按預期地發生我哋就會感到焦慮，
因為每個人都希望維持原狀；當我哋過度執著一件事，慣性地誤以為呢件事係常，所以當失去嘅時候就會無法接受，就會感覺非常痛苦，因為我哋唔明白無常其實係定律係短暫。
#如何面對無常
呢一年無常愈來愈主動同我哋對話，面對唯一嘅方法就係勇敢擁抱無常。其實無常一直都喺我哋身邊，只不過平時太忙，衣食無憂又缺乏思考，直到有大事發生我哋先有時間去正視去發現，原來世間無永恆不變嘅事實，有生必有死有聚必有離。又即係話，如果你呢一刻無咗份工，只要你確信無常，否極必定泰來。
#但係而家都仲係好唔開心呀
有情緒都好正常！反而更加由情緒自然流動，喊又好食返餐勁又好，令情緒有地方走，如果唔係佢就會一直沉澱。有另一個方法令你更加心定，就係嘗試感恩。感恩過去嘅工作帶俾你嘅經歷，感恩過去嘅同事帶比你嘅笑與淚。有一句quotes 我刻骨銘心，但係翻譯做中文又唔夠傳神。
When one door closes, another door opens；but we often look so long and so regularly upon the closed door that we do not see the one which has opened for us.
即管哀悼過去為過去鞠一個躬，感謝所有嘅一切，然後就擰轉面繼續向前行。除咗航空業，亦希望呢段文字送俾所有喺2020年遇到挫折嘅各位。至於我被失業經歷，就等我喺今個weekend嘅Live同大家分享😂 #廢腑之鹽
記住·無常
#人生無常
#真佛係女人
#女人像鹽
人生無常睇我IG
https://www.instagram.com/missyboni
Search